કોઠારા-વિશેષ

* તા. ૧૬ મી થી કોઠારા માં થઇ રહ્યો છે કિશાન સેવા કેન્દ્ર અને ઇન્ડિયન ઓઈલ કોર્પોરેશન (ioc) ના પેટ્રોલ- ડીઝલ- ઓઈલ (પેટ્રોલ પંપ) નો આરંભ, જેની સાથોસાથ ખેડૂતો ને મળશે કૃષિ વિષયક વિશેષ માહિતી અને એગ્રીકલ્ચર પ્રોડક્ટ્સ નો લાભ...

* શ્રી શીતલા માતાજી નો મેળો પૂર્ણ ભક્તિ ભાવ્ અને હર્ષોલ્લાસ સાથે સમ્પન્ન...

* કોઠારા વરાડીયા માર્ગ પર એક સ્વીફ્ટ ડીઝાયર કાર ને નડેલા માર્ગ અકસ્માત માં એક વૃદ્ધા નું મૃત્યુ.

અકસ્માત

કોઠારા ની નાયરો નદી ના પૂલ પરથી જયારે એક ટ્રક પસાર થઇ રહી હતી, અને અચાનક જ ટાયર ફાટતાં પૂલ નીચે જઈ પડી હતી, ત્યાર ની તસ્વીર......(photo by-himansu)

કોઠારા સમાચાર

કોઠારા માં રામનવમી નિમિતે ભવ્ય રવાડી નું આયોજન થયું, સર્વે વ્યાપારી મિત્રો કામકાજ બંધ રાખી રવાડી માં જોડાયા.

વિશ્વવિજય નો ઉત્સવ્

ક્રિકેટ ના વિશ્વકપ માં ઐતિહાસિક જીત મેળવી સમગ્ર ભારત ની સાથો સાથ કોઠારા પણ ઉત્સવ્ ના રંગો માં રંગાયું. મેચ સમાપ્ત થતા ની સાથે જ બધા ઉત્સાહી યુવાનો એકબીજાને વધામણી આપવા રાત્રે જ બહાર નીકળી પડ્યા હતા. અને પછી તો ઢોલ ના સથવારે હૃદય નો આનંદ ને જીત ની ખુશી નાચવા લાગી હતી. અને સમગ્ર સમુદાય થોડીવાર માં તો જાણે એક વિજય સરઘસ માં ફેરવાયો હતો. દરબારગઢ થી મેઈન બજાર થઇ મુખ્યનાકા સુધી નાચતા નાચતા બેંક વિસ્તાર માં પહોચ્યા બાદ બધા ચર્ચા કરતા કરતા વિખેરાયા હતા....

કોઠારા સમાચાર

* કોઠારા પાસેથી પસાર થતા નેશનલ હાઇવે નં. ૮ પર આસપાસ માં થયેલા દબાણો હટાવાયા.

* કોઠારા ના દરબારગઢ ના જાડેજા તિલાટ પરિવાર ના વારસ વીરેન્દ્રસિંહ જાડેજા નો રાજતિલક વિધિ સમ્પન.

આખરે મળ્યો રોહિત ...

ધાંગધ્રા ની શાળા માં અભ્યાસ કરતો ૧૨ વર્ષ નો ૧ બાળક જયારે માં ના ઠપકા થી ગુસ્સે ભરાઈ ને સ્કૂલ જવાના બહાને ઘર છોડી ને ચાલ્યો, ૫ દિવસ લગાતાર ગુમ થઇ ગયા બાદ તે ગઈકાલે સાંજે કોઠારા ની નજીક આવેલા ભાનાડા વાડીવિસ્તાર માં આવેલા ખાલસાફાર્મ ના માલિક અમરજીતસિંઘ શીખ ને ત્યાં કોઈ રહેમદિલ ટ્રક ચાલક ની મદદ થી પહોચ્યો હતો. ત્યાર બાદ તેની સઘળી પૂછપરછ કરી તેની શાળા ના પ્રવીણસર નામક શિક્ષક ની મદદ થી અમરજીત સિંઘે તેના વાલીઓ ને જાણ કરતા આજે તેઓ કોઠારા આવી પહોચ્યા હતા. અને કોઠારા પોલીસ ની મદદથી સઘળી બાહેધરી મેળવ્યા બાદ એ બાળક રોહિત ને તેના વાલીઓ ને સોપવામાં આવ્યો હતો. જેમાં સ્થાનિક ના રહેવાસી શિક્ષક્ કિશોરસિંહ જાડેજા અને પ્રબોધ ભાઈ મુનવર ની મદદ સાંપડી હતી.

ટીવી સ્ટાર ઇન કોઠારા

સોની ટીવી ની મશહુર ધારાવાહિક કુસુમ ની અભિનેત્રી નૌશીન શેખે કચ્છ ના પ્રવાસ દરમ્યાન કોઠારા માં બે દિવસ નું રોકાણ કર્યું.જે દરમ્યાન તેમણે અબડાસા ના જોવાલાયક સ્થળો અને કચ્છી બાંધણી ના પહેરવેશ ની પણ મન ભરી ને ખરીદી કરી...

વિશેષ ખબર

* કોઠારા p.g.v.c.l. ની કચેરી એ પહેર્યા નવા વાઘા.

* બીદળા સર્વોદય ટૂસ્ટ અને કોઠારા સાર્વજનીક દવાખાના ના ઉપક્રમે યોજાયો

એક વિશેષ મેડીકેમ્પ.

* અબડાસા ના સાંઘી મા શરૂ કરાઇ b.s.n.l. 3g સેવા.

મેડીકલ કેમ્પ કોઠારા

તા. ૨૩ ના આ કેમ્પ માં ૮૪૬ જેટલા દર્દીઓ એ લાભ લીધો. પૂર્ણ ગ્રામ સહયોગ ની સાથે સામાજિક આગ્રણીઓ ની દેખરેખ હેઠળ સંપૂર્ણ આયોજન સફળતા થી પૂર્ણ થયું, જરૂરતમંદ દર્દીઓ ને વધુ સારવાર માટે લેવાપટેલ હોસ્પિટલ માં આવવા નિર્દેશો અપાયા. કેમ્પ ની કેટલીક તસ્વીરો....

I.T.I. પ્રવેશ અંગે

કોઠારા આઈ.ટી.આઈ. માં કોપા. અને વેલ્ડર ના ટ્રેડ માં એડમીશન ચાલુ છે. જેની છેલ્લી તારીખ ૨૮/૦૧/૨૦૧૧ છે. તો લાયકાત ધરાવતા ઉમેદવારોએ પોતાના જરૂરી સર્ટીફીકેટ સાથે કોઠારા આઈ. ટી. આઈ નો સંપર્ક કરવા એક યાદી માં જણાવાયુ છે.