આવતી કાલે કોઠારા ખાતે વીજ પુરવઠો બંધ રહેશે, એટલેકે તા.૨૪/૧૧ ના સવારે ૮ વાગ્યાથી સાંજ સુધી લાઈન સમારકામ કરવાનું હોઈ પુરવઠો બંધ રાખવામાં આવશે, તેવું એક યાદી માં જણાવાયું છે

આજ થી આપણે એક નવું પેજ ઉમેરવા જઈ રહ્યા છીએ, જેમાં પ્રિન્ટ, સોશ્યલ , કે ઇલેક્ટ્રોનિકસ, મીડિયા ની નજરે કોઠારા ના સમાચારો ને બ્લોગ માં સાચવવા નો નમ્ર પ્રયાસ કરશું...જે છે "મીડિયા ની બારીએ થી કોઠારા" ...આભાર

કોઠારા પંચાયત હેઠળ ની પાણી યોજના અંતૅગત માનપુરા વિસ્તાર ને ભવિષ્ય માં, તાજેતર મા જ તૈયાર કરાયેલા નવાં બોર સાથે જોડી દેવા નું આયોજન...ગામ ને વધુ એક સવલત મળવા નો આનંદ.

કોઠારા ની શોભા કલગી માં વધુ એક પીછું ઉમેરાયુ...

Back once again.....

Date# 24 jun 2015

રામનવમી ઉજવણી...

કોઠારા માં શ્રીરામ જન્મોત્સવ્ ની ઉજવણી ભક્તિ-ભાવ્ અને ધામધૂમ પૂર્વક કરવામાં આવી, સવારે ભગવાન શ્રીરામ ની પૂજનવિધિ તથા બપોરે ૧૨ વાગ્યે રામજન્મ ઉજવવામાં આવ્યો. સાંજે ૪ થી ૫ સુધી શ્રી દરિયાલાલ મંદિર મધે ભજન કીર્તન અને દુહા-છંદ ની રમઝટ સ્થાનિક કલાકારો એ બોલાવી, ત્યારબાદ ૫ વાગ્યે વિશાળ જનસમુદાય,ભકતગણો ની ઉપસ્થિતિ માં રવાડી નો પ્રારંભ, જે કોઠારા ના મુખ્ય માર્ગો પરથી શ્રીરામ જય રામ જય જય રામ ના જય નાદ સાથે કોઠારા ને ગુંજવતી ગઈ. રવાડી પરત આવ્યા બાદ સંગીતમય મહાઆરતી અને સમૂહ પ્રસાદ નું આયોજન કરવામાં આવ્યું હતું. ધાર્મિક પ્રસંગ ના ઉપલક્ષ માં સ્થાનિક બજાર અડધો દિવસ  બંધ રહ્યું હતું.

આઈ હોલી આઈ

લગભગ ત્રણેક હજાર છાણા ના ઉપયોગ થી તૈયાર કરાયેલી આ હ્લોળી નું મહત્વ છેક હિન્દુ સંસ્કૃતિ ના ગ્રંથો થી મળી આવે છે.

કભી કભી

વિતેલા સમય ના સંભારણા ની પેટી ખુલે ત્યારે કેટ્લાક એવા દ્રશ્યો કે જે મન ને લોભાવે, જે નજર સામે તરે ત્યારે યાદ આવે કે અમેય કુબેર હતા. ( વીતેલા સમય ના કોઠારા નું એક દ્રશ્ય )

વીરો ના સંભારણા,

અબડાસા તાલુકો જેમના નામ થી ઓળખાય છે, એવા વીર અબડા અડભંગ ની યાદ માં દર વર્ષે તેમના સ્થાન રામપર (અબડા) માં ફાગણ વદ એકમ ના ભવ્ય મેળા નું આયોજન કરવામાં આવે છે. દર વર્ષ ની જેમ આ વર્ષે પણ તા. ૦૯/૦૩/૨૦૧૨ ને શુક્રવાર થી મેળા નો પ્રારંભ થશે.*સવારે ૧૦ કલાકે, નલીયા ત્રિભેટે અબડા અડભંગ દાદાશ્રી ના પૂજન અને હારરોપણ, ત્યાર બાદ ૧૧.૧૫ કલાકે તેમના સ્થાનક રામપર મધ્યે, ધ્વજારોપણ ની વિધિ સંપન્ન થશે. જેની સાથે, ભવ્ય સંતવાણી ( રાત્રે ૧૦ વાગ્યે)નું આયોજન કરવામાં આવ્યું છે.

જેમાં કચ્છ સૌરાષ્ટ્ર ના નામી કલાકારો જેમ કે દેવરાજભાઈ ગઢવી ,શૈલેશ મારાજ, હરિભાઈ ગઢવી , મેઘરાજભાઈ ગઢવી સાથે સર્વે સાજીન્દાઓ ભજનો ની રમઝટ બોલાવશે.

સાથે સાથે તા. ૧૦ ને શનિવારે સવારે ૯.૩૦ કલાકે વીરપૂજા તથા શસ્ત્રપૂજા , અને બપોરે ૧૨ કલાકે સમૂહ પ્રસાદ નું આયોજન કરવામાં આવ્યું છે.

* જેની સાથે સાથે અબડાસા તાલુકા ના પૂ. સંતો પધારશે,

* સ્વ. અનિરુદ્ધ જેન્તીલાલ ભાનુશાલી ભોજનાલય હોલ નું લોકાર્પણ.

* તથા અન્ય અબડાસા ના અતિથી વિશેષ મહાનુભાવો ની હાજરી...........

strops ઇન કોઠારા,

કોઠારા ના કોંસીસર તળાવ માં blackstrops ની આવનજાવન શરુ થતા તળાવ ની સુંદરતા માં વધારો થયો છે.

photo by - kamal gor

કૂલ કૂલ અબડાસા,

અબડાસા આમ તો ઠંડી ને લીધે સમાચાર પત્રો માં હમેશા ચર્ચિત રહ્યું છે, ૨ કે ૩ ડીગ્રી જેટલી ઠંડક તો દર શિયાળે અહી ના લોકો અનુભવે છે, પણ તા. ૬ અને ૭ દરમ્યાન ૦.૮ ડીગ્રી એ પહોચેલા પારા એ જનજીવન ને થોડા સમય માટે થંભાવી દીધેલું. કોઠારા નજીક ના ખીરસરા વાડી વિસ્તારો માં રહેતા કેટલાક લોકો એ પોતાના અનુભવો જણાવતા કહ્યું હતું કે વહેલી સવારે તેમને પોતાના ખુલ્લા માં પાર્ક કરાયેલા વાહનો પર બરફ ની પાતળી પરતો જામેલી દેખાઈ હતી.

કોઠારા વિશેષ

* જૈન સંપ્રદાય ના અ.ગ..પ્.પુ.આચાર્ય ભગવંત શ્રી. ગુણોદયસાગરસુરીશ્વરજી મ. સા. ના કોઠારા મધ્યે તા. ૦૪/૦૨/૨૦૧૨ ના આગમન સમય ની કેટલીક યાદગાર તસ્વીરો.

PHOTO BY- MR. KIRANBHAI PALANI

ધૂંધ કી બદરી તલે,

શિયાળો જવાની તૈયારી કરી રહ્યો છે, ગરમીના દિવસો નું આગમન થઇ રહ્યા ના સંકેતો રૂપી આ ઝાકળ ની ચાદર માં લપેટાયેલા કોઠારા નું એક દ્રશ્ય......

કાઉ ફોક્ષ્

પશુપાલકો ની ચિંતા નો વિષય બની ગયેલા એવા ગાયો અને ભેંસો માં જોવા મળતા કાઉ ફોક્ષ્ નામના આ રોગે કોઠારા તથા આસપાસ ના વિસ્તારો માં છેલ્લા કેટલાક દિવસો થી ધામા નાખ્યા છે, નજીક ના સંપર્ક માં રહેવાથી હવા અને સ્પર્શ દ્વારા ફેલાતા આ રોગે પશુઓ માં દૂધ નું પ્રમાણ ઘટાડી દીધું છે. પશુ ડોક્ટરો ના મત પ્રમાણે આ રોગ પશુઓ નું દોહન કરનાર વ્યક્તિ ને પણ ચેપ દ્વારા લાગી શકે છે, જેમાં તેમના હાથ પર ફોડલીઓ થવાની અને તે ફૂટ્યા બાદ અસહ્ય પીડા થતી હોવાનું જણાવાયું છે, જો આવા લક્ષણો પશુઓ ના આંચળ પર કે દોહતી વ્યક્તિ ના હાથ પર દેખાય તો તાત્કાલિક મેડીકલ સારવાર લેવા તજજ્ઞો ની સલાહ છે.
PHOTO- KAMAL GOR

અપવાદ

કુદરત ના રંગો એવા અનેરા છે કે માનવી ના મન ને એને સમજતા જન્મો વીતી જશે. વાત છે એક એવી લાક્ષણીકતા કહો તો , કે મુસીબત કહો, પ્રકૃતિ પોતાના દ્વારા કરતી રચના માં જયારે અપવાદ કે વિસંવાદિતા મુકે ત્યારે આ કાળા માથા ના માનવી ને બે ઘડી વિચારતો કરી દે. વાત છે કોઠારા થી ૩ કિમી. અંતરે આવેલ નાનકડા સાયરા ગામ ની, પશુપાલન નો વ્યવસાય કરતા એક વડીલ વ્યક્તિ કોઠારા આવી પશુ ચિકિત્સક ની ચિંતાતુર ચહેરે શોધ ચલાવી રહ્યા હતા, અંતે ગામ માં તપાસ કર્યા બાદ KFFFDT... આ એન. જી. ઓ. ની સાથે જોડાઈ ને કામ કરતી સંસ્થા પશુપાલક મિત્ર ના ડોક્ટર યશવંત પટેલ સાથે તેમની મુલાકાત થઇ, ડોક્ટર ને સાથે લઇ સાયરા પહોચ્યા બાદ એક, હાસ્ય સહ કરુણા ઉપજાવે તેવું સત્ય બહાર આવ્યું. ચારેક દિવસ પહેલા જન્મેલા એક ઘેટીના નર બચ્ચાને કુદરતે મળમાર્ગ જ આપ્યું ન હતું. આવી સ્થિતિ માં બચ્ચાનું લાંબુ જીવવું કદાચ મુશ્કેલ બની જાય, પરિસ્થિતિ ને ધ્યાન માં રાખી ડો. યશવંતે પશુપાલક ની સહમતી થી સીઝીરીયન નો પ્રયાસ કરી એક જીવ બચવા ની સંભાવના દર્શાવી , અને સફળતાથી પાર પડી. સીઝર પૂરું થતા જ જાણે બચ્ચા એ મુક્તતા નો આરામ લીધો , અને પશુપાલક ના મન પર થી જાણે ખુબ મોટો બોજ ઉપડ્યો, અત્રે ઉલ્લેખનીય છે કે દરેક પશુપાલક પોતાના પશુધન ની પોતાના કુટુંબ ની જેમ જ સાચવણી કરતા હોય છે. અને તેમ પર આવતી મુશ્કેલી ને તેઓ પોતાની જ મુશ્કેલી સમજે છે, કેમ કે એક બીજા પર તો નિર્ભર છે, તેમનું જીવનધોરણ......

આઈ. ટી. આઈ. પ્રવેશ અંગે.

આઈ .ટી. આઈ. કોઠારા ના કોપા. અને વેલ્ડર ટ્રેડ માટે એડમિશન ચાલુ છે, રસ ધરાવતા ઉમેદવારો એ તા. ૨૫/૦૧/૨૦૧૨ સુધી સંપર્ક કરવા જણાવાયું છે.

PH. - 02831282001

ઇલેક્શન-કોઠારા...

ફરી એક વાર કોઠારા જૂથ ગ્રામપંચાયત ની સરપંચ પદ માટે ની ચુંટણી માં કેસરિયો રંગ ચમક્યો..

કુલ ૧૩ સભ્યો ની પેનલ માં ૭ વિજેતા ઉમેદવાર તરફ થી બહુમતી માં આવતા લોકો માં પોતે કરેલા મતદાન અને વિકાસ કાર્યો નું સ્વપ્ન સાકાર થવા તરફ મીટ મંડાઈ છે.......

આ વખતે આ બેઠક સામાન્ય સ્ત્રી માટે હતી, જેમાં સુવર્ણાબેન ચેતન રાવલ વિજેતા બન્યા હતા.

(આ સાથે જીત ની ઉજવણી ના કેટલાક દ્રશ્યો )

ફોટો બાય - મનોજ સોની.

અબડાસા ની ઠંડી

મોસમ ની અસર થી કોણ બચીને રહ્યું છે ? તેમાંય અબડાસા ની ઠંડી.....

ઠંડી સવારમાં સળગાવેલા કચરા ની ગરમી નો અહેસાસ મળતા એક ગાય પણ મનુષ્યો ની જેમ તાપણે તાપી ને ઠંડી થી રાહત મેળવી રહી છે.

શિલ્પ-સ્થાપત્ય અને અબડાસા..

અબડાસા ની ધિંગી ધરા વીરો અને દાનવીરો માટે પ્રખ્યાત છે, આવો આજે એક લટાર મારીએ આ ધરતી પર ના સપૂતો , એ દાનવીરો , એ કલાકારોએ વીતેલા સમય માં પોતાના પ્રાણ રેડી ને બેજાન પથ્થરો માં પ્રાણ પૂર્યા, અને જોઈએ કેટલાક કળા ના બેનમૂન સ્થાપત્યોને....

અબડાસા માં લગભગ ૪૦૦ વર્ષ જેટલા જુના મંદિરો ,દેરાસર અને દરગાહો આવેલા છે, જેમાં આજે પણ પ્રાચીન શિલ્પકળા દ્રશ્યમાન થાય છે, જેમાં કેટલાક સ્થળો હવે સમય ની થપાટો સહી સહી ને કદાચ ભૂતકાળ બની જશે,

પ્રાચીન શિલ્પ-સ્થાપત્યો માં કચ્છ માં કેરા-કોટ , પુઅરેશ્વર, તેરા અને લખપત જેવા સ્થળો જાણીતા છે, અને એવા પણ અનજાન સ્થળો કે જ્યાં કળા પોતાના પૂર્ણ શ્રુંગાર સજી ને આજે પણ આવનાર ના મન ને રોમાંચિત કરેછે...

SPL. THANKS TO - KAMAL K. GOR